لما انت مش قد اللي حاصل
وبتنهار من اول دمعتين
طب ليه قطعت اللي واصل
وكان بيشيلك فى العين
قتلت ليه خواطره
ونسفت ليه حاضره
وقللت من قدره
وخنت ليه شاطره
وحطيته فى جملتين
انك خلاص مش قادر
والعيشه معاك يا ساتر
ما ينفعش احنا الاتنين
طيب اديك بالوقت بتعاني
وبتبصي على ايامي
والندم واخدك حزين
ده انا كنت عليك باقي
وكنت محوطك بشوقي
وكنت الميه والساقي
وانت اللي اخترت الانين
سبتيني فى عز احتياجي
وقلت مش هتلاقيلك ناجي
وأني عليك مش هاجي
وهتوه في بحر المحتارين
مين بالوقت تاه
مش لاقي طوق نجاه
وحس باللي كان معاه
وعاش من ندمانين
انا بالوقت عال
وربك غير الحال
واملا عينيك بالمال
ما انا عارفهم طمعانين
و كنت معاك طيابه
قلب مليان محبه
وكنت انت معايا من الديابه
ف توب الغدر مستخبه
وعايش فى دور الطيبين
أديك د
لوقتي في الحسرة
واخداك اللومه والكسرة
والدمعه على الخد قاسية
وبقيت في صورة الوحشين
ده انت حتى ما خليتش وصال
وما ارتحتش غير لما قلبي منك شال
وطلعت فيا العبر وقلنا وقال
وراجع عايز مني حنين
لا دي نهايتك معايا
وشكرا وخلصت الحكايه
وان كنت عايز كلمتين
فهقول لك تمام متشكرين
ليست هناك تعليقات:
إرسال تعليق