( خطوة لقدام ) م/عبيد الحميد سالم
والله دي تكسف وحاجة عار
لما برنامج ف قنوات النهار
يعمل حلقة مع واحدة شمال
بلوجر وفضيحتها كانت بجلاجل
طالعة ولا بطل راجع من إنتصار
بقى يا أعلام معدش فيه إحترام
ولا بتفرقوا بين الحلال والحرام
كل ده عشان القناة تطلع تريند
والمنحلة بتضرب لها تعظيم سلام
خلاص حلينا للمواطن كل المشاكل
واللي من جوعه مش لاقي ياكل
وموارد ف انحسار وبلد عليها حصار
خلى كتير م الناس بتدور ع الهياكل
وانتم فى ملكوت الابتذال والانحدار
طب راح فين دور الرقابة م الإعلام
ليه سايب الجميع يلوكلوك بأى كلام
من ياسمين أم الفراعين لرضوى بلوك
لعمرو اديب اللى دايما ف أمورنا يعك
بكفايكم تخلف عايزبن نطلع خطوة لقدام
ليست هناك تعليقات:
إرسال تعليق