🌹قول ياشاعر🌹
سجال دويتو بقلم
أ. إبراهيم شيمر
أ. صفاء الخواجة
***************
إبراهيم
اسـمـع 🌷 🌷 🌷ياشـاعـر
بتقول ڪلامك بـس لـمـين
والناس عقولها بـقـت تسرح
نقول شاعر يقولوا على مين
دا العقل مبقاش فيه مطرح
عـايز تـغـنى وكلامك زيـن
متقول للفقر بلاش يطـرح
ولا ايـه
صفاء
ح أقــول للفقر يرحـل
يبـعـد عـنا لـسنين
ويسيب الڪل يفــرح
ڪـفـانـا. م. الأنـيـن
لا بـقـالـه بيـنا مطـرح
ولا ريـحـة للحنـين
ف صباحنا كان بيمرح
وفـطـارنا فـول وطين
ابراهيم
ڪله عايش فى الهموم
والسما رغـم انـه صيف
ڪلنا شايفين☁ غيوم
والظلام فى نـهارنا بـان
فى البيوت ضاع الامان
ولـما نحكى عـن الجمال
نقـول لبعـض كان زمـان
ياالف خساره
صفاء
الهموم فارشة المطارح
عايشة بينا بهـم طافح
نفسـنـا تبـعــد . وتنسى
تبــقى لينا زرع طــارح
ابراهيم
حــالـها كـده وخــلاص
ظالمه اللى عند احساس
والجـاحــد الـظـالـــم
دايـس ولا سـمـاش
رغـم إنــه مـايسواش
صفاء
اتـظـلـمنا عشان بنشعر
والجحـود لـينا تـعـبـنا
نعمل ايه مادام شعورنا
بالـغلابة قــــام دفـعـنـا
نبقى صوتهم والمحامي
اللي باح عنهم دفـاعـنا
ابراهيم
يـاحسين بالـغــلابـه
والـناس الـمجروحين
الدنيا دى مـش غـابـه
دى نـاسـهـا طيبــيـن
إحـنا يـا نـاس غــلابـه
ب نـشقى لـجـل نـعـيش
خـايفين مــن الـديابـه
راضين نڪون حرافيش
صفاء
الأجمل من ده كله
ف إلهنا كلنا
دايما رحيم وغالب
وبعدله يعمنا
لو دنيا فيها توهنا
فى الجنة يضمنا
ابراهيم
فى الجنه نعيم ان شاء الله
والعبد هناك هيلاقى مناها
نـقـعـد فى الجـنه ونتـهنا
مـع طه حبيبي رسول الله
صفاء
جـوه الجنة نلاقي حاجات
يامـا حلمنا نشوفـها هـناك
ويا رسـولنا شفيعنا حبيبنا
ندعي تمللي ننـولـه لـقاك
بقلم الشاعرة/ صفاء الخواجة
الشاعر/ إبراهيم شيمر
ليست هناك تعليقات:
إرسال تعليق