دعوة تسامح ...
.................
محتاجين منكم كتير ..
صوت بيزعق فى النفير
للي ناسي واللي غافل
لجل ما يصحى الضمير
..
محتاجين منكم أمان
حَبه من أوقات زمان
راحت البال اللي راحت
رجعوها مهما كان
..
محتاجين الحب تاني
حب مايكونش أناني
يعني يلزم حب صادق
لجل ما يحقق أماني
..
محتاجين دعوة تسامح
كلمة بتحدد ملامح
صفوة الاخلاص محبه
وكلمة من غير لفظ جارح
..
محتاجين م الصبر حبه
لجل مانزيح المغبه
واندهوا الافراح تجينا
واجعلوا الأيام محبه
...................... الشاعر
حسن السحماوى
ليست هناك تعليقات:
إرسال تعليق