☘️جنة ربي☘️
عندي سؤال عايزة له جواب
قلبك باع؟؟
والا ظروفك هي أساس؟
خلت قلبي وقلبك ضاع!
و إللي حصلي معاك مكتوبلي
و إن القسمة نصيب ووداع؟
إفتح قلبك وإحكي لي أكتر
خلي النبض. يمل نداك
حاول قلبي كتير ينساك
يكره بوحك. روحك. قربك
بس لقيتني ف حاجة لحبك
حدفت روحي ف بحر هواك
و بتوحشني كتير و أتعذب
نفسي بفرحة معاها ألقاك!
أَسمع صوتك. و أشبع منك
حتى سكوتك. كل لغاك
أنا مش ح ايأس مهما بعدنا
شوقي وعمري. ح يستناك
و ان مقدرتش تاني أأقابلك
و ألقى الفرح ف حضن هواك
يمكن جنة ربي .تساعنا
فيها آلاقي السعد معاك
☘️بقلمي/ صفاء الخواجة ☘️
من ديواني الأول
جنون * جنون
ليست هناك تعليقات:
إرسال تعليق