" سمك 🐟 - لبن 🍼 - تمر هندى 🍺 "
"سبوبة أم أسباب؟!!!!"
▪︎ ظبط ودنك يلا معايا على "خاصية الإنصات"
▪︎ كون ويايا وإسمع منى رأى هقوله فى "الجامعات"
▪︎ سك يا باشا ع الجامعات الحكومية
▪︎ إدخل خاصة أو أهلية أو منبثقة م الحكومية
▪︎ ولو مرتاحه العيشة شوية روح دولية
▪︎ يا أفنديا خلاص حلينا عقدة إبنى م الثانوية
▪︎ واللى يقول غير كدة يا عنيا، يبقى غشيم
▪︎ ولا يفهمش يا روحى ف تربية ولا تعليم
▪︎ وكان الله بالسر عليم
▪︎ فى الثانوية عملنا معسكر جوه البيت
▪︎ جبت معاصر ويا ملازم وأتوصيت
▪︎ كانت النملة تصدع منى لو كحيت
▪︎ كله مذاكرة ودرس وحل لمحافظات
▪︎ ومنصات وإمتحانات مع تصحيحنا للإجابات
▪︎ وأما يقولى أروح التويليت ... (أصله حويط)
▪︎ كنت بقوله روح إعملها ... "جنب الحيط"
▪︎ دى التنهيده بمعاد وبوقت
▪︎ ومفيش حاجة إسمها دلوقت
▪︎ أما الراحه فانساها تماما
▪︎ ممنوع خالص م الزيارات
▪︎ لا موبايلات ولا كافيهات
▪︎ و متقوليش للكورة أشتقت
▪︎ حانت الحظة...وحان الوقت
▪︎ ولما خلصنا م الثانوية وم الموضوع
▪︎ إبنى فاجئنى أنا والعيله بالمجموع
▪︎ والواد عااااااادى ... ومش موجوع
▪︎ قاللى يا بابا ليه متأثر، ليه مفجوع؟!!
▪︎ هيه الجامعة بالمجموع ؟!!
▪︎ أيوه يا فالح، طب فهمنى بصوت مسموع؟
▪︎ قاللى يا بابا بكل بساطة بدون تسويف
▪︎ التعليم عندنا بقه بزنس جوه رغيف
▪︎ والمجموع مش فارق خالص إن كان عالى ولا ضعيف
▪︎ السبوبة طالما تمااااااااام، ومبتسألش المصاريف كام؟
▪︎ إبنك هيكون طيار فايتر و إن كان أعور ولا كفيف
▪︎ إتقل .... تاخد صنف نضيف
▪︎ قلت يا إبنى بلاها سبوبة، لازم تاخد بالأسباب
▪︎ إتعب وإسعى وراعى ضميرك خللى توكالك ع الوهاب
▪︎ للسبوبة تبا تب، ولطواغيطها كل السب
▪︎ فوقهم رب بيرزق إبن، شمر إيده و إتحدى الصعب
▪︎ علشان آمن إن له رب .... هوه مسبب الأسباب
عجبى...
(خالد فاروق)
ليست هناك تعليقات:
إرسال تعليق