🌹قلبى أسيرها🌹
إتكلمت معاها كتير...
عوضنا كل التأخير...
هى بتحكى وأنا بسمعها...
وأنا من فرحة قلبى بَطيّر...
عينى ف عينها...
قلبى أسيرها...
عز جمالها فى الأساطير...
بُحت وباحت....
مِلّت ومَالتْ...
مَلِتْ الدنيا نور وعبير...
مرت ساعة بعد التانية...
حاسس أنى ملكت الدنيا...
بقى معقولة تكون ويايا...
من نظرتها عشت أمير...
ضحكت ضحكة مسحت همى...
ده أنا أتارينى كنت مغمى...
أنا وهوايا كنت ف بير....
مرت صدفة رفرف قلبى...
يمكن بَحّلمْ قلت أخبى....
ندهت إسمى رحت ملبى...
قلبت كل القسوة حرير....
بدر وجانى...
بعد أمانى..
أصل صبرت يا قلبى كتير ....
ياللا نكمل ننسي إمبارح...
ولا نتعاتب مين كان جارح...
يمكن بُعدك كان مقادير
كلماتى علاء محمود
ليست هناك تعليقات:
إرسال تعليق