..سجال سؤال ..
للشعراء أ. إبراهيم شيمر
أ. منال النبوي
أ. صفاء الخواجة
🌾🌾🌾🌾🌾🌾🌾
سؤال ابراهيم شيمر
فـواتير فـواتير فـواتير
والعقل خلاص هـ يطير
ومعـاش خـايب مايكفى
تاڪلـه شـوة عصافـير
فـواتـيـر
فـواتـيـر
فـواتـيـر
الكهربـاء الــف جنـيه
والڪـل بيـسأل لـــيه
ولا حـد يـــرد عـلينـا
و الغاز بيـعـانـد فـينا
ومعاشنا ملوش تقدير
فـواتـيـر
فـواتـيـر
فـواتـيـر
مــياه وزبــالـــه ونـت
ودمــاغ الـواحـد شـت
هيفـــوت الـشـهـر ازاي
والخيبه راكبه حناطـيـر
فـواتير فـواتير فـواتير
سؤال منال النبوى
فواتير النت يا بيه
هتعدى الالف جنيه
اما الكهربا والغاز
تولع فواتيرها بجاز
العيشه بقت الغاز
وسؤالنا ... هنعمل إيه؟؟؟
اذا كات العيشه هباب
وزهقنا قفلنا الباب
ولا لوم ولا حتى عتاب
ولا جبنا الحق عليه
والتوت بقى ع الكبوت
تدفع هتعدى تفوت
ترفض طب روح موت
ببجاحه بتملا عنيه
الرشوه مصرح بيها
والربه تساهيل تديها
والكل بيجرى عليها
والضامن..... هتعشيه
عشش فى دماغنا ظلام
عتمه بظلم الايام
ودعينا على الحكام
فوضنا الامر اليه
سؤال صفاء الخواجه
فواتير وغلاها كتير
بتخلي النوم ح يطير
والرحمة بقت تتبخر
والبخل عاملي كبير
و مرتب.. لما يجينا
بيزوغ ويا العصافير
ومعاش مايكفي معانا
غير فول ومعاه جرجير
تعبان القلب وشايل
جواه أحزان ومرير
من كل غل
اء الدنيا
وعشانا عليك ياقدير
سجال بقلم
أ. إبراهيم شيمر الجندي
أ. منال النبوي
أ. صفاء الخواجة
ليست هناك تعليقات:
إرسال تعليق