بقلم الشاعر علي صابر
لأني بحبك
صفحه فاضيه بدايه من جديد
واللي قلبه ابيض عمره ما يبقى عنيد
لا بيشيل ولا بيعاتب وبيفرح بالمحبه
ويبقى سعيد
وانت ليا مهما كان الاختلاف
وانا بَسامح وانت عارف قلبي شفاف
ما عندهوش صعوبه يقابلك بالهتاف
لانه حبك و عمره ما يعاتبك مهما سمع اوشاف
فانا معاك باديء من جديد
فخليك زي النهار الصابح
وعوضني بحب يكون لسه وليد
و خليني في عيونك سارح
وحوط علي المره دي لاحسن ابقى شريد
خليني امسك الوردمن ايدك
واحس بطعم الامان
خليني اشوف الحب من عينيك
يطبطب عليا ويعوضني حنان
خليني احبك لاني بَحبك
خليني اشوف فيك الصدق
خليني من غير قلق اودك
ساعتها هتشوف عشق فوق العشق
خلي الليالي تطرح نهار فى عز الليل
عشان اشوفك بفرحه بوش بشوش
وقتها احاوطك بقلبي وفي عيني اشيل
وارسمك في كلماتي وعلى قلبي تبقى منقوش
انا صافي وماليش غيرك فى الحب حبيب
مش هفتح فى الماضي
ولا هجيب من ناحيتك اي عيب
فلما تشوفني خليك عادي
بلاش دموعك من عينيك تسيب
يكفيني اشوفك مستعد لاسعادي
وان انا لقلبك و مفيش غيري حبيب
ليست هناك تعليقات:
إرسال تعليق