خيول الشعر
بقلم... مجدي الجندي
يالفة الليل على قلبك
وسكونه لعينك ضى
وصوت بعيد بيندهلك
سرابه لحن وموسيقى
لكن نغمه ماله........ زى
غصون العاشقين تايهه
وعشقك غصونه تكعيبة
مغزولة شايلة فرحتها
بنول الشوق وضحكتها
احس بيها .......تركيبة
يا مركبانى خيول الشعر
واوقات تسرقى... لجامه
لا حيلتى كمان انا ولا عود
اراجع بيه............... الحانه
ولاميزانى بيوزن شعر
وحروفى تايهة من القافية
لكن عارفة
ازاى توصل لباب ....بيتها
للشعر خيول لما بترمح
فى مضمرها
وتتعايق بخيّل .......ها
وتنط حواجز متزوقة
صهيل روحها
يشد حنينى
وعافيتى
يرش ويزرع جفاف البور
يخضر قلبى عيدان صافية
ويلم اللى ضاع م العمر
انا لاعمرى رهنت رهان
ولا مرة اخترت حصان
ولاشوفته داخل مضمار
لكن طول عمرى
فى ايدى لجامين
لجام لخيول الشعر
وعود ياسمين
ماسك عشقك
Magdy ELgendy
ليست هناك تعليقات:
إرسال تعليق