//////+++وتعالى بعدة نعاود لك+++//////
وا حب الصحرة ياك مامهلنا
خاد بمحبة طريقو ووصل
شوق لحبيبة ياك سلبنا
وعلى لحبيبة ماتعطل
وتعالى بعدة نعاود لك
ربي العالي بالعين حاضي
لمسيرة خضرة وبلى شك
وا خادتنا لداك الماضي
وتحرك ف لسانا لكلام
لعلامات ف العالي كترفرف
وحلات لقصيدة ونظام
وقسمنا بالله مانتخلف
من كل مكان سيادي جاو
حثى حاجة علينا ماعصات
وبحب الثاني راهم ادواو
والبوح شهدة اخلق كلمات
اعيالات ورجال حاملين كتاب
حلمهم يحرو ديك الصحرة
وا سبحانو كلهم احباب
ف مسيرة سلمية خضرة
اعيونهم ماشافت انعاس
ولسانهم بالعالي يكبر
من كل مكان وجدة ومكناس
ياك هذا وخوه صاحبو يصبر
اسبوعة من لعرين غادة
لعلامات ياك حمرة خضرة
شعب طايع ياك كيف العادة
سبحان الله زينين نظرة
وحنا اولاد طارق والثاني
بالحب انعانق داك الريح
لمغاربة ثربية الباني
ياك باللهو اكبر كتصيح
وشهد لينا لكبير وصغير
بمحبة ثاني رضى علينا
وربحنا الصحرة بفكارو
ارجال والمصحاف فيدينا
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق