....(( حاول تنسى )).
حاول يابني تنسى الماضي
و اتعلم منه لما هو. آتي
خد نَفسك و انسى بؤسك
ولا تعمل نفسك خصم وقاضي
حاول يابني تنسى الماضي
الماضي كان. كله. جراح
ومحدش كان فيه مرتاح
و اللي راح منك أهو راح
ولا تتعب روحك ع الفاضي
حاول يابني تنسى الماضي
الدنيا مليانة..... تجارب
كلنا فيها ....... بنحارب
و من كاسات المُر شارب
اختار على مقاسك قارب
يوصلك لبر الوادي
حاول يابني تنسى الماضي
من التجارب حاول تتعلم
ولا تيأس أبدأ و تسلم
و لا تغلب و لا تتعب أو تتألم
ماحدش لحد فاضي
حاول يابني تنسى الماضي
الحقيقة دايماً عليها حجاب
هموم و غيوم.... و ضباب
ما تعرفها غير. بفتح الباب
واسأل صحاب في كل الأراضي
حاول يابني تنسى
الماضي
★★★★★★★★★★★
د /عمر عبد الجواد عبد العزيز بن
ليست هناك تعليقات:
إرسال تعليق