حوار يتيم----------
ــــــــــــــــــــــــــــــــــــــمحمودعمارالزلبانى
ــــــــــــــــــــــــــــ
خلاص ياأمي كشفتك
ولقيت إجابة سؤالي
دلوقتي بس عرفتك
ليه بتطمني حالي
طب فين ياأمي أبويا
لساه برضه مسافر
والا يمكن عند أخويا
والا بره مهاجر
خلاص عرفت الحقيقة
أتاريني ياأمي يتيم
كان نفسي أشوفه دقيقة
يا أمي فراقه أليم
أصحابي فرحانة عيونهم
وأنا من بدري بَقاسي
الضحكة زايرة جفونهم
والحزن طالع مقاسي
كان نفسي ألمس إيديه
ويمسح لي بيهم دموعي
يندهلي أجري عليه
أفرح وأفرد قلوعي
وأحكي له سري يا أمي
وأقوله ع اللي تاعبني
وأرمي على كتفه همي
وأسمع كلمة( يا إبني)
سنين تقولي مسافر
وأملب كان مرة أشوفه
طب يبجي حتى زاير
تقولي للغايب ظروفه
توريني صوره وحاجاته
لساكي محافظة عليها
وتحكب لي بعض حكاياته
ودموعك عني تداريها
كنت ألمح حزن ف عنيكي
وتقولي بكره هيرجع
والحزن شاريني وشاريكي
ده مُر فراقه بيوجع
فى حضنك كنت بَنام
ودمعك على خدب يكوي
أصحى أقولك حرام
ده حزنك لقلبي بيشوي
وياكي ما حسيت بيتمي
ده قلبك لقلبي حبيب
يا بلسم شافي لجسمي
خلاص يا غالية ده حكمه
ربك يزيح الهموم
راضي يا أمي لحكمه
ويا ريت رضاكي يدوم
يارب إرحم حبيبي
وخلي الجنة مكانه
كان نفسي يبقى طبيبي
يارب طيب لسانه
*******************محمودعمار الزلبانى
ليست هناك تعليقات:
إرسال تعليق