سألت عن الأخلاص
....................
سألت عن الأخلاص
سمعت كلام كتير
كتبوا عليه ناس
وقالوا فيه تفسير
سهرت الليل بطوله
ازاى هما وصلولوله
اصبر يمكن انولوا
ولا بيقولوا كلام وخلاص
تصون عهد الحبيب
فقلبك تحضنو وترعاه
كله قدر ونصيب
مهما تخلص فهواه
احترت مع أفكارهم
واخترت أنسى ملامهم
لو صدقت كلامهم
يبقى فين الإحساس
الخيانة ف قلوب جبانة
عايزة تخون وخلاص
لو بالحب مليانه
تدوب وفا وإخلاص
واحنا قلوبنا عمرانة
بتدوب صدق وأمانة
إللي يعيش معانا
يشرب نفس الكاس
.....
بقلم الشاعر
الأمير _محمود
ليست هناك تعليقات:
إرسال تعليق