...........الدنيا مليانه ..........
الدنيا مليانه من كل لون
خلي بالك .. دا الدنيا ملعونه على العموم .... ودا مش كلامي .. دا كلام النبي خليه ف العيون
ملعون كل ما فيها ..الا ذكر ربك اللي مكسبه مضمون
او عالما ينفع الناس او متعلما هو للمستقبل اساس
وبعد كده كله ملعون ملعون
الدنيا فيها كتير كتير على كل لون
فيها التعبان ... دا حتى التعب انواع
فيها التعبان بسبب ناس .. العشرة عليها بتهون
ياما قدم خير وللاسف ...قدم السبت وملقاش في اي يوم
وساعة ما كان بيقدم كانوا بيقولوا عليه مجنون
فيها التعبان اللي عايش عيشه مفروضة عليه .... محروم من حبيبه اللي كان يتمنى يعيش معاه
ولكن اتبنت بينه وبين حبيبه موانع و حصون ......
فيها التعبان اللي ربنا عطالو المال ...ولكن يا خسارة ربك خاد منو احسن نعمه وهي راحة البال
والناس تشوف أمواله .... وتتمنى تعيش في أحواله
وتقول عليه دا عايش عيشة قارون
يعني معاه المال ولكن من كل حاجة حلوة محروم
وفي الاخر هيعيش زي قارون بس للاسف برضو نهايته هتكون الخسف ...حتى مش هيلاقي حد عليه مهموم ..
.........فيها التعبان اللي تاعب نفسه هوا ...دايما بيشغل بالوا ومش وراه غير سيرة الناس واللي راح واللي جاي ..
يا عم سيب الخلق للخالق ليوم معلوم
ماهو انت مش هتصلح الكون ... دا انت مظلوم
ومحدش ظلمك ...انت اللي ظالم نفسك طول اليوم
وفيها التعبان على لقمة عيشو... الفقر ناتش حتى ريشو
بس دايما مع الناس في الغلط معصوم
وفي نظري دا مش تعبان ..على الاقل بيعرف ينام
ما هو مش كل الرزق مال ..
كفاية انو في سيرة الناس مش بيقول
الانواع كتيرة وياما نكتب عنها
اكتر واحد تعبان اللي بينسى ربه ومبيصليش ع الرسول
والدنيا لهياه والتعب ساكن جواه ..كد ما تقول قول
وفيها التعبان اللي جاهل بنفسه ..الي ميعرفش لنفسه مرسى يرسي عليه ..ولا يعرف هو عايز ايه
ميعرفش حتى قدراته وهدفه اعمى عليه وعايش مشلول
وللكلام بقية
بقلمي ... رمضان محمد محمود
....... ٤ أغسطس ٢٠٢٠ ....
شكرا جزيلا رب يسعدكم جميعا
ردحذف