فى الغربة :
*******
فى الغربة ياحبيبى
بافتكرك من جديد
حبك فى القلب ساكن
مهما سافرت لبعيـــــــــــــد
فاكرك نايم وصاحي
في الحزن..ولو سعيد
**********************
أفكر فيك ليالى
عشناها فى المحبة
ذكرى دايما فى بالى
واحنا الإثنين فى غربة
ادعى بقلبك ياغالى
أشوفك من جديد
**************************
أنا فى أرض الجهاد
غريب وسط العباد
ليلى فكر وسهاد
قاسية نار البعاد
ع القلب وع الولاد
قاسية تهد الحديد
*******************************
كاتب علينا القدر
البعد ويا السفر
يبكى علينا القمر
دمعة بكلمة وخبر
وايه يفيد الحذر
فى شيئ مكتوب أكيد ؟؟
*********************************
راضى بحكم السنين
نعيش متغربين
يفيد ايه الأنين
وازاى ننسى الحنين ؟
لوكنا مرتاحين
او كنا تعبانين
قلب الغريب حزين
وفى كل يوم يزيد
**********************************
راجع إمتى البلاد
بعد ليالى السهاد ؟
يارب فى يوم أشوفكم
وأنام وسط الولاد
لكن ..إمتى الميعاد
من غير ماأعيد وازيد
لما الرحمن يريد
لما الرحمن يريد
****************************
كلمات
يوسف الخواجه
ليست هناك تعليقات:
إرسال تعليق