ليله قمر ( 89 )
..........
أوعدنا يارب ولو نظرة
ده أنا قلبي وروحي وعيوني
بتستنى اللحظه ومنتظرة
الشوق بيعدي وبيحايله
ولا مرة بيسأل ليه جايله
مش عارف يتهجأ حروفي
ولا حس بقلبي سنين شايله
بقعد له ليلاتي وبستنى
طمعان في هواه شوف وأتمنى
بتزيد النار كل ما يتقل
إنذار جوايا بيتغنى
أبعت مراسيل رجعها لي
وبمشي وراه كيلو والتاني
ده لا بص في مره وعبرني
هنعيد من الأول من تاني
يمكن معذور غره جماله
ده الورد بيدبل قدامه
ماشاء الله عليه بدر منور
بصوا لي إزاي دوبت قباله
كام مره وأزعق فى الحته
وخناقه وصوت سته فى سته
الناس ع الصوت جت وإتلميت
وحبيب الروح ملهوش سكه
قالوللي قمر ما بتسمعشي
ده أنا قلبي وروحي وعيوني
عشقوها وجوايا رسموها
شدوني وقالوا إطلع هاتها
أخلاقها كفايه وعجباني
ده غرامها الدم في وجداني
عاشق للروح مش للصوره
أدعوا لي تكون نصي التاني
بقلم ... صبري رسلان
ليست هناك تعليقات:
إرسال تعليق