هعيد نظر
هعيد نظر هعيد نظر..في تعاملاتي مع البشر
مين أروحلو بقلب حب.ومين محسسني بخطر
دايما متابع خطوطي .وناسي كل محبتي
عادد عليا فرحتي..لو طال يغيرلي القدر
..هعيد نظر هعيد نظر..
معروف بقلبي الوفي.زي م أنا لساه وفي
مع أي حد أعرفه..ويكون كمان ليا وفي
أما البخيل فى محبته..محتاج أودع دنيته
راحت خلاص حنيته..هاخد معاه كل الحظر
..هعيد نظر هعيد نظر.
هعيد نظر فيا أنا..لغيري أدور على الهنا
واجي على نفسي كتير..وكتير عليا أتجنى
ناس عايزه تكسب فهلوة.ومرهم ملهوش دوا
تصارحهم. الوش اتلوى..مكنش ده المنتظر
.هعيد نظر هعيد نظر..
الشاعر /أبوسريع إسماعيل عبدالحميد
ليست هناك تعليقات:
إرسال تعليق