غابة و ديابة (796)
................
صدقنا قلوب كات كدابة
وصفولنا طريق كله ديابة
ومشينا بنور حسن النية
خدعونا بثوب ده أحنا غلابة
لا الفرحة ودامت يوم منهم
ما وشوشهم بانت قلابة
زادوا فينا الجرح
وياما دوقنا
من مر الضحكة البهتانة
قولنا هنداري ويوم نبعد
ما سابونا وردوا الإحسانا
نصبوا لنا شباكهم خطينا
ووقعنا فى نيات هدامة
رسمولنا الدمعه بتمثيلهم
وإتفضحهم غش وكدابة
عكروا مايتنا ما كات صافيه
والنسب إتحول لإهانة
سحروني أقاطع وأعادي
عايش بلا حاضر ولا ماضي
تايه فى الدنيا كاره ناسي
قسوني وفاقد إحساسي
حاضن أشواك مر نسبهم
ومأمن الديب يحرس رأسي
إتشقلب حالي وتاه صوبي
والكاس مليان عروا فى ثوبي
وبقيت لطمعهم سهراية
له ألف رواية و حكاية
ولا فارقه فيه روح عايش ميت
طالما فيه غابة فيه ديابة
وهتحصد زرعك لا محاله
وتوفي الدين كيل
وحسابا
من شر الحاسد والساحر
من شر قلوبكوا الهدامة
بقلم .. صبري رسلان
ليست هناك تعليقات:
إرسال تعليق