الموال الطويل
عبدالمنعم عدلى..مصر
موالي طويل
وماني عارف حال
والليل زي النهار
والصبر رحل بعيد
وبكيت أنا
على حال
الولد شوكة
فى الظهر
والعمر عدى
والخريف قصير
والسكرات هي هي
ومابيتغير حال
وأنا اللي لسه
بيغني مواله
البيت يبكي
والدمع على
الجدران سايل
شايل همي
وهم ولدي وصابر
وأجيب منين
دموع الصبر
على حال
راح العمر
ورمش العين
لم يغمض
فى ليلي ونهاري
وجفت الدموع
ومخاض الحزن
لم ينزف بعد
صعبان عليه حال
الخدود الوردية
راحت بعيد
ولم يبق
إلا عظام هشة
والليل خلص
والنهاية بتدق
على باب العمر
والغالي اللي
فكرته غالي
باعني بالرخيص
وسابني وأنا
فى الويل أعاني
عرفت الدنيا
وناس الدنيا
بس ياخسارة
بعد العمر ماولى
وأنا اللي كنت
بأحسب الرخيص غالي
بقلمى عبدالمنعم عدلى
ليست هناك تعليقات:
إرسال تعليق