--- بيقولولي .......
بيقولولي كل سنة وأنتَ طيب
ميعرفوش إيه اللي جوَّايا
ميعرفوش إن شوك في طريقي
مزروع قُدامي وورايا
مش لاقي كلمه حلوة
من ناس كنت
أحسبها معايا
يا رب صبَّرني
انت اللي عالم
بكل جروحي وبلايا
دا الأمل قرَّب يموت
واليأس سكن جوايا
-- يا زارعين الأمل
هاتولي بذوره
وليكم عليا أرويه بدمايا
بس خللولي نصيب فيه
وهفصَّلُّو أحلى عباية
هرويه واهتم بيه
بس ييجي وأراعيه
أحلى رعاية
بقلمي
رمضان محمد محمود
ليست هناك تعليقات:
إرسال تعليق