ياضيف اجباري
زايرنا سواء
رفضنا أم قبلنا
ياضيف دايما
ييجي على غفلة
وما عدينا العتاد
ولا عدلنا الدفة
من يوم الميلاد
عارفين إنك جاي
وكل يوم تزور
حبيب تاخده
معاك وتسيب لنا
الدمع ويكسرنا الفراق
ونقول دورنا جاي
نتصدق ونعمل خير
ونشتاق للجنة
وتاني تاخدنا الدنيا
ونتوه في دوامة
الحياة
وننسى وقت اللقا
وما نعد لك العدة
تايهين فيك يا دنيا
شايلين هم الولاد
ولقمة العيش اللي
تسد الجوع
وتستر الجتة
وتسرقنا الدنيا
ونفوق على حبيب
راح من بينا
تتوجع قلوبنا
وندعي ونقول
يارب مايزورنا
غير وانت راض
عنا
ويكون ضيف خفيف
ومن تعب الحياة
يرحمنا
وتعوضنا خير
وندخل الجنة
مع الحبيب المختار
وآل البيت الأطهار
وكل الأحبة
هوى الإمام
ليست هناك تعليقات:
إرسال تعليق