الصحاب
ياصاحبي قبل ماتصاحب
دور على صاحب يكون يمين صح
صاحب صاحبه
يتصاحب
فى الهجرة اختار الحبيب
راجل من اغلى الرجال
صاحب
ونام فى فرشه
راجل من اطهر الرجال راجل
يتصاحب
صادق و صديق و مصدوق
حروف من نور لاسم راجل صح
يتصاحب
كلمة حروفها من نور
صاحب ضل فى حرك
راجل حلو فى مرك
كلامه يفرحك و يسرك
وينور ضلمة حياتك
هى دى الكلمة اللي صاحبها
يتصاحب
مين فينا ماقابلش فى سكته و دنيته
هموم واحزان و اهوال
كلاهة و نصيحته وقت الشدة
زي الوتد صعب من الارض ينشال
يابختك ياحظك ياسعدك
يااللي تلاقي فى الدنيا دي ناصح
يبقى ليك
صاحب
ده الخل و الخال و الخليل
لا يهرب منك و لايتخلى عنك
وللحق دايما يميل
هو ده
الصاحب
و الصاحب الندل لا عليه لوم ولاعتاب
فى لحظة منك يهرب
زي فص ملح وداب
حضر او غاب
عمره ماكان ليك فى يوم من الايام
صاحب
وصاحب خان صاحبه
ولاهمه
باعه و سلمه ب ايده
وهدر دمه
هو مين خان ادهم غير
صاحب
وصاحب مصلحته فوق كل اعتبار
لاهمه صاحب ولاصاحبة
واللى بينه و بينك
زي اللي بين القط و الفار
اوعى يابني ده يكون ليك
فى يوم من الايام
صاحب
وصاحب باع صاحبه
وقبض ثمنه
لاهمه جيرة ولاعشرة ولانصفه
يابني ادعي وقول
يارب..يارب..يارب
ارزقني بصاحب
يكون صاحب يمين صح
صاحب صاحبه
يتصاحب
بقلمي
محمد يونس
ليست هناك تعليقات:
إرسال تعليق