(ضريبة النجاح)
ضريبة النجاح
هتدفع تمنها
غل وجراح
وناس الغيرة فيها
فى الليل والصباح
ماليها الجحود
تخون العهود
وينسوا انك عشانهم
ياما شلت الجراح
سوده النوايا
اساليبهم قرف
بحقد ف كلامهم
عديمة الشرف
ماليها السواد
تبيعك فى المزاد
عنيها فعيوبك
متغضش طرف
صحيح في كلامهم
يبانوا حَمَل
تدي الأمان
وتوهب أمل
تقلب وشوشهم
محدش يحوشهم
يعودوا ديابة
بناب مكتمل
حقيقي الظروف
بتبين رجال
مين اللي فالصو
ومين الجبال
مين اللي صاين
ومين اللي خاين
ومين اللي بيرقص
فوق الحبال
بقلمي /السيد محمد صالح 💖
ليست هناك تعليقات:
إرسال تعليق