................................عاملي دنجوان
عاملي دنجوان.........ومدوب فى البنات
واللي انت صابح فيه........عليه كمان تبات
هتشوف على مين نفسك حاسب.......هتخطي زياده هتتحاسب
فاكر بعنيك هتوقعني......شوفلك ألاعيب غيرها تناسب
غير من طبعك تعجبني .....وساعتها هواك هيلهلبني
أثبت جدعنتك وشهامة.........واما اغلط بالذوق تحاسبني
.....................وانا مستناش حد يحاسب..........................
.....................هتشوف على مين نفسك حاسب.........................
شايفه عينيك على شباكنا .......وعجلتك فى الشارع راكنه
خلاص ياجميل حججك خلصت ......وصعبت عليا من الركنه
أربت ياواد أحن ياواد.......لو جيت على طول ومجيك زاد
وتعرف بيك أهل الحتة.........وتخش البيت من بعد ميعاد
...................يمكن تناسبنا ونناسبك......................
..................هتشوف على مين نفسك حاسب......................
أنا بنت أصول حبيت مشغول.........،..فى هوايا دايب عرض وطول
شرفت أهلي والحته............مستنين رقص وطبول
خلاص اليوم قرب ييجي ........لمحت لحبيبي هييجي
ونلم شمل محبتنا............والفرح هيزورني وييجي
.................لقلبي لقيت حد مناسب.....................
.................لا هيحاسبنى ولا ها احاسب......................
الشاعر/أبوسريع إسما
عيل
ليست هناك تعليقات:
إرسال تعليق