ايه يفيدك
ايه يفيدك من جراحها
وقلبها تملاه انين
ده الإله من فوق منحها
بالأمان وطور سنين
والتاريخ دايما مادحها
باحلى سيرة ومكرمين
لو هاتندم روح صالحها
وزور طريق التوابين
ده السلام طبع ف سماحها
وقلبها ده كله لين
للعلا خليك جناحها
وع الحدود دايما امين
بالأمل هنقيم فرحها
وف الشدايد سدادين
من بعيد يبان صروحها
ونورها ضي المشتاقبن
يبق ليه دايما جارحها
وانت عارف تبقى مين
ما أنت عارف مصر روحنا
واللي فيها الطيبين
شعر اسامه بهنساوي الرفادي العبيدي
ليست هناك تعليقات:
إرسال تعليق