"باحن إليك ياحبيبتي"
---------------------------
باحن إليكِ ياحبيبتي
وأشواقي بتغلبني
باحن لكل مافيكِ
واحن لقعدتك جنبي
وباشتاقلك يانور عيني
ياساكنة الروح وفي النني
.........
باحن ليوم ماكنا زمان
بنرسم قلب على شجرة
ولما الدنيا بتمطر
نسابق بعض في المطرة
واحط إديا في إديكِ
ونتدارى ورا صخرة
..........
باحن لقعدة جنب البحر
وضل سحابة يحمينا
ونسمة جميلة بتهفهف
وموجة تبل رجلينا
ونرمي همومنا وسط الموج
وصوته العالي يشجينا
...........
باحن إليكِ ياحبيبتي
ياريت ننسى العتاب واللوم
وترجع تاني ليالينا
ينوَّرها قمر ونجوم
تعود الفرحة لقلوبنا
مايفضل فيها أي هموم
------------------------------
بقلمي؛ م/ محمود الحريري
من ديواني "إبتدا بحبك صباحي"
ليست هناك تعليقات:
إرسال تعليق