عبير الحب
***&***
مع عطر فاح جوايا اسمه عبير
اتولد جوايا عشق كبير
وسألت قلبي وكلي خجل
معقول ياقلبي لسه عندك أمل
ترجع تدق لعشق جديد
وتعيش عذاب الشوق والتنهيد
قاللي هو ده اللي حصل
ولسه عايش فى ذهول
اللي بيحصل ده معقول...؟
في يوم وليلة لقيت نفسي باحب
ولقيتها بتقولي....
وإنت حبيبي اللي جوه القلب
اللي رد الروح لي بعد عيشة الغلب
وسقاني من رحيق شفايفه طعم الحب
بكلام معسول سرى في شرياني
كأني باسمع شدو أغاني
فيها أجمل كلمات ومعاني
نسيت معاه ما كنت أعاني
ده انت إنسان في صورة ملاك جاني
من العذاب والضنى والهجر نجاني
ورجعلي الأمل والحب من تاني
وزرع الورود في بستاني
وكأنك أتخلقت عشاني
***&***&***
سمير بحر
***&***&***
من ديوان قناديل بحر اصدار يوليو 2021
ليست هناك تعليقات:
إرسال تعليق