مش وقتك ولا آ
وانك
______________
لخبطينا يا بت ليه
شاربه مانجه ولا ايه
دي الكتاف مجذوعه منك
شاغله ليه بس في عينيه
يا فارده للأغصان
والجذع ع العايم
شمتي فينا الناس
والجرح بقا دايم
داير كلام عنك
يوجع قلوب منك
وإنتي ولا همك
فاكره إنها عادة
يا عنجهية يا كدابه
عامله ايه وسط الغلابه
شدي نفسك ايوه قومي
وإوعي يأكلوكي الديابه
سايبه روحك ليه قوليلي
جوه منك راح خليلي
فاكر إنه طاح يا ليلي
يا لا روقي إتبسميلي
خلي عندك روح تجيلي
أنا وإنتي وخليلي
زي ما احنا اليوم
يا عنجه
ولا أقولك طفي نارك
أشرف ليكي سكنى دارك
وسط داري سايبه فاضي
والجدار لساه جداري
يا حلاوتك يا مراري
شاغله ليه بس خيالي
شوفي حالك سيبي حالي
والفراق محتوم يا عنجه
البيان من قلبي صادر
كلبشوا كل العنوج
جوه حاجز التواضع
إرموا فيهم تحت موج
واللي راح يغرق بناقصه
واللي عايش كفنوه
بقلم/وافي إسماعيل الشلبي
ليست هناك تعليقات:
إرسال تعليق