دنيا غبية وملهاش حل
دنيا يا خلق تشـل تعل
تاخد الفاجر ب الأحضان
تيجي على الغلبان وتذل
دنيا وماشيه عكس عكاس
الرقاص متشال ع الراس
أما الطيـــب وإبن الناس
فيها منداس برجول الكل
دنيا ب جد غريبة عجيبه
دنيا مخاصمه ياخلق الطيبة
فيها الظـــــالم والجبـــار
واخد حقه ب ضرب النار
والمظلوم مش لاقي الحل
دنيتكم مليانه غيوم
وف ليلها بقى ساكن البوم
لو ضحكتلك يابني ف يوم
آخر اليوم ح تشوفها تمل
دنيا وماشيه خلف خلاف
دنيا بشوفها ياخلق بخاف
دنيا ولابسه سبع إوشاش
دايما تضحـك ل لغشاش
وتقدم ياسمين مع فل
دنيا غبيه وملهاش حل
دنيا يا خلق تشـل تعل
سعيد الضو
ليست هناك تعليقات:
إرسال تعليق