"كفاية بعاد"
----------------
مستعجل ليه ومشيت بدري
واحنا ماصدقنا انك ترجع
ساعتين والاقيك قايم تجري
من غير ماتسَلِّم وتوَدَّع
إنتَ اتعودت على الغربة
والقلب بسببك يتوجع
أصلك مش حاسس بغلاوتك
ولا إني ف بُعدَك باتقَطَّع
دي غلاوتك عندي ماتتقدر
ساكن فى القلب ومتربع
مستعجل ليه ومشيت بدري
دا الوقت يمر معاك أسرع
مع همساتك قلبي يغني
مع لمساتك عيني بتلمع
ولما تغيب عني وتمشي
الروح جوايا بتتمزع
خليك قدام عيني وقلبي
من حبك واللَّٰهِ ماباشبع
ماكفاية بعاد وِافْضَل جنبي
نفرح بهوانا ونتمتع
---------------------------------
بقلمي : م/ محمود الحريري
ليست هناك تعليقات:
إرسال تعليق