وهاتلي
معاك
بقلم.. مجدي الجندي
امانة ان فوت ع العطار
تيجبلي معاك بال رايق
وكيس مزاج يكون فايق
وكيس م الصبر
يتحمل راجل عايق
وهات م المر حبيتين
يكون لونهم صافي وغامق
ولو لقيت هناك وصفة
تنسي الحزن م العطار
تكون واصله
لمسح الهم والأفكار
امانة ياريت ماتنساها
وهاتلي معاك كورتين
من الحنضل
لجل كعابي والصندل
واذا فاض معاك جنيهين
هات بيهم فصين
من اغلى الحب هان
مش للاكل والشوربة
دول للود اللي هان
وقبل ما انسى وهاتطلع
فوت ع الكشك ع الناصية
وهات جرنال من الأخبار
يكونش كلامه متعوج
ولا أخباره بتسود
فى شكل الدنيا وايامها
وبالمرة تجيب كيس
بن يكون غامق ومتحوج
اكيد عارف
حال رجلي... وحركتها
وحال الصحة..وبركتها
Magdy ELgendy
ليست هناك تعليقات:
إرسال تعليق