(يا طبيب)
امانه ياطبيب الجراح
طمني قلب الحبيب مالوا
من يوم ما تعب حسيت قلبي💔 اتنقل من مكانوا
أمانه ياطبيب عالجه
وخد كل ما أملك
خد قلبي وحطه بين ايديه
خد صحتي وعافيتي ليه
دا هو غالي ومن غيره
تسوى الدنيا دي إيه
ان كنت زعلته مره
من خوفي وغيرتي عليه
عالجه يا طبيب واوعدك
ما ازعله تاني دا وعد الحر دين عليه
أمانه ياطبيب كون حنين
دا الشكه بتألمني قبل
ما إيدك تيجي إليه
دا حبيبي فافي وناعم
لا هو كيك ولا ميلفيه
بصراحه مش لاقي وصف
جميل يليق عليه
أمانه ياطبيب ترسل معاه دوا لانفاسي
من يوم ما تعب وإتكتمت معاه أنفاسي
عالجه ياطبيب واعملك تاج على راسي
يا طبيب
البنت غرامها سكرني
من غير خمرة ولا كاسي
دا حبها هو إللى كسرني
ونساني أهلي وناسي
يا طبيب
هي من
علمتني الحب
علمتني العشق
علمتني الحنان
علمتني ادوب في هواها
علمتني اعشق كل دنياها
علمتني اسهر اكتب فى ذكراها
علمتني أسبح في بحور رؤياها
علمتني احاكي النجوم
واوصف للقمر جمال محلاها
علمتني اوقف امام الريح
أستنشق عطر هواها
علمتني اسهر أغني
علمتني اعيش تمني
علمتني اكتب فى وصفها ليلاتي
علمتني اشتاق لها وانا معاها
يا طبيب
اداويها بروحي وقلبي
واكتب علاجها انا بدمي
ويوم اشوفها سليمه
هنسى جروحي وهمي
(سامحعبدالرحمن أبوالنوبى)
ليست هناك تعليقات:
إرسال تعليق