الدنيا دي مايلة
الدنيا دي مايلة
زي الست العايقة
كل ما أجيلها عدل
تقول مانيش فايقه
الحظ ليه دايما
كده مش معانا
والدنيا ليه كده
مش على هوانا
وتقول عايز ايه؟
روح يا غراب البين
دا نا بس باغويك
والغواية طبع الزين
ولو مشيت خلفي
هتتوه ما بين نارين
ياواد عيب اختشي
دا انت اخرتك سودة
بكره ف التراب تندفن
وتاكل جسمك الدودة
آه يا زمان العفن
اخرتنا فيه للدودة
آه يا زمان الوجع
كل ما فيك أوجاع
شوفنا فيك البدع
مهما اتغيرت الأوضاع
مهما شوفت فيه
من حلاوة الأيام
ترجع تاني ليه
تحت التراب وتنام
روح اشربلك كاسين
وهاتلي معاك كاس
يمكن ننسى الألم
ويروح صداع الراس
وازاي أنسى الألم
وهو طعم الحياة
والحياة من غير ألم
عمرها ما تبقى حياة
ساعات يكون الألم
ذنوب يغفرها الله
اعمل لأخرتك يلا
وروح نام وارتاح
دا هيي ساعة زمن
ما بين ليل وصباح
وفجأة بدون ما تحس
تلاقي عمرك راح
الحق بقى نفسك
صلي يلا وتوب
قبل ما يوم تتحاسب
عن كل شيء
مكتوب
وهبه البوهي
ليست هناك تعليقات:
إرسال تعليق