بحبك،،، وفيك حاجه شدّاني
وحُبّك،،،شيء مالوش تاني
وجُوَّه القلب بتسكُنِّي
إوعى ف مرة تنساني
قلبي حاسَّك بتحضُنِّي
شايف عنيك بتهواني
ومهما حاولت تروح لبعيد
أنا قُريِّب بدون مواعيد
لأنك مكتوب ف عنواني
قلبك ليه لسه عنيد؟؟
مش لازم قلبي يعيد ويزيد
ويقولك إنه بيعاني
ياما شاف حلاوة روحك
وحَس بيك وبجروحك
وأخدت مني يا واد عقلي
4حروف على بوحك
إمتى تِحِن وتشتاقلي؟؟
أسمَع (بحبك)،،،سَمَع فِعلي
وأقولها بكل صوت مسموع
إني
نجحت فى المجموع
وإن الحلم يجمعنا
وإللي كان يوم ممنوع
يشوفه الكل ويسمعنا
،،إيهاب السقا،،
ليست هناك تعليقات:
إرسال تعليق