خلاص بكره هنتقابل
فحاول بس تفهمني
وقدر حتى لو مره كلامي معاك
وحاول بس تسمعني
ولو تهتهت أو لألأت
متزهقشِ ولا تزعق
ولا تلحوق عليا كلام
أكيد أعصابي مشدودة
وأكيد من وهلة الموقف
وخوفي لبرضو نتخاصم
ويبقى البعد بعداً تام
هكون مخضوضة
وطبيعي دموعي هتخوني
وتنزل مني قدامك فمتلومنيش
ما يمكن خدي مشتاقلك
للمسة من صباعينك
وقلبي كمان يكون مشتاق
لنظرة
بس من عينك
ويمكن قلبك القاسي
ده من شوقي وإحساسي
يدوب ويلين
(((.. مصطفى دسوقي..)))
ليست هناك تعليقات:
إرسال تعليق