😄أُسْ الفساد😄
جنابك مأنتخ..
وشكلك مريب...
تاكل زبادي ...
وتشرب حليب...
تقدر تقولي...
جايبهم منين...؟
وقبضك لسه...
عليه جمعتين...
يكنش يا واد...
خالفت القانون...
وجايب ف بيتك..
جبنة وزتون...
نهارك مطين...
ويومك هباب...
طموحك سمحلك...
تفوت العذاب...
عليا اليمين...
لتندم يا واد...
وتبكي سنين..
يا أُس الفساد...
يا واد فّوء لروحك...
وإرجع كئيب...
أوعى تهاود طموح..
أصل الطموح ده عيب...
نسيت إن أبوك...
ماشفش الفراخ...
ويوم لما شافها..
من الفرحة داخ...
أنطق وقولي...
طالع لمين...
دا
يماً طموح...
وليه مش حزين...
تخالف جدُودك...
تخون العهود...
تغيّر ف مُودك...
وتاكل سى فود...
إرجع لتوبك...
وحاول تتوب...
كتيرة ذنوبك...
وكلك عيوب...
كلماتى علاء محمود
ليست هناك تعليقات:
إرسال تعليق