"إنطفا النور"
------------------
وانطفا النور اللي دايماً
كان منور دنيتي
والحزن فَرَد وعشش
ماتت في قلبي فرحتي
والعين بحرقة تبكي
واصرخ كمان من قهرتي
راحت أرق نسمة
ضاعت معاها بسمتي
رحلت شريكة عمري
وسابتني أعاني ف وحدتي
********
مبقيتش حاسس إنى عايش
أو إن قلبي ليه وجود
وفجأة لقيتني تايه
والطريق أصبح مسدود
راحت مُنايا وحلم عمري
واللي راح عمره مابيعود
كانت بتملا الدنيا بهجة
وكان حنانها ملوش حدود
هافضل فاكرها العمر كله
وادعيلها مع كل سجود
وادعي ربنا يرحمها
ويجمَّعنا ف يوم موعود
----------------------------
م/ محمود الحريري
ليست هناك تعليقات:
إرسال تعليق