منيش شاعر
_________
مش شاعر إلا بمشاعري
دا إذا إتغديت
ولو جوعت ساعه زياده
ناديت ودعيت
حبايبي بيلوموا عليا
إذا كنيت
ما دام الحرف راح ييجي
فأنا حنيت
مش هحبس فيه
يشاغلني
وأشوف غيره
وأشد في لجام الكلام
ويسعدني صهيل خيله
ما دام الكلمه راح تسعد
ولو إنسان
فقولها ممكن يسمعها
كمان إنسان
ولو يحكوها لكمان واحد
كدا يبقي تمام
وفي الأول وفي الآخر
منيش شاعر
أنا آخري أدحرج الكلمه
وأبعدها عن طريق واعر
وأنظر ليها وأقولها
سهله بسيطه في مداها
لكن يسعدني تكرارها
وأنا حاسس بفحواها
بقلم/وافي إسماعيل الشلبي
ليست هناك تعليقات:
إرسال تعليق