متغربين
_______
متغربين
عايشين نسابق السنين
والغربة ايه يا طيبين
الغربة مش بُعد المكان
الغربة تيجي م الكلام
اللي ما يعرف يوم حنان
والجرح صدع م النزيف
وكان يا دوب بادئ خفيف
لكن قلب اللي إنفطر
واللي إنفطم
لساه ما نام
حابب لعيشة بإنسجام
قومي يا بنت انتِ وهي
هاتوا الفطار هاتوا العشا
ما عادشي داعي للنشا
براحتنا هنسوي الكلام
والحب راح يحضر أوام
قلبين وعاشوا اليوم بطولة
وقدموله اليوم كلام
ايه يا كلام لساك تبيع
شوف كام صريع
في وسط جندلة الربيع
والحب زان تاج القلوب
ميهمهوش من جرح بان
بقلم/وافي إسماعيل الشلبي
ليست هناك تعليقات:
إرسال تعليق