موضه
بقلمي / عبدالحميد السماحي
ماشي وجيبي طالع بره
خايف يدخل ايدي تضره
ناسي إن العقل دا سارح
مافهوش فكه ولاعمله حره
فين أنا بين أزهار الماده
دا طالب ناصح بين اخواته
لابس كوتشي ينور بيه
عازم إنه يلف الدنيا
وينور ظلام أراضيه
فين أنا بس بس يادنيا
أعطيله سلام حييه
دا راجل لابس بدله إيافه
ناسي الفقر وناسي الضيق
ساحر قلب عزارى الليل
من نظراته خطواته تليق
عامل بفه و ماشي ينادي
كلمه ورا كلمه قالتله حياتي
مش هنساك ولاهنسى حياتك
دا انت الأمل اللى بناديك
فين أنا بس بس يا دنيا
أعطيله سلام حييه
الدنيا صابره ومش عوزاني
أرحل حتى لنبض الإيد
خايفه إني أسافر بره
وارجع يوم تلقاني سعيد
سافر صحبي وراجع آيه
فديوا وتليفزيون وبريد
وحواله سحبه وراها حواله
وعمارات هله ورصيف تشيد
خدني معاك أسافر بره
يقولي أبعد عني روح يا بعيد
فين أنا بس بس يا دنيا
أعطيله سلام حييه
قلبي ياماضي طريقي معاك
فين قدري يكتبلي يقول
جنه وأسوار ومداين
هستناك لو حتى تطول
دا شبه ماشيه شباب ألفين
قوه وعزم مش فكره الدين
فستان طاير لغاية الركبه
وإيشي منوكير واحمر خدين
وشعر يهفهف عالكتفين
كلمه وشاب ماشي وراها
أصرخ ونادي يارب أنا فين
بس كفايه كفايه يا دنيا
أرحمي قلبي لاجل العين
ماشي وسامع أغاني شبابيه
كلمه هبطه ولحن يضيق
من كلماتها وقعت غريق
بين سطرين سجلت كلامي
لاجل مانسمع رأي الدين
فين أنا بس بس يا دنيا
مين يتكلم بإسم الدين
مصر بلادنا حكايه تاريخ
نورها يلالي الأصل مليح
بين أعدائنا وقفنا ننادي
بالإسلام على كل جريح
بقلمي
عبدالحميد السماحي
مصر / محافظة كفرالشيخ
قرية الشمارقه
ليست هناك تعليقات:
إرسال تعليق