"البلياتشو"
من وحى الصورة
-------------------------
أنا البلياتشو ....
أبو وش مليان بالألوان
وملامحى مخفية
وعمرها .. ماتبان
أرقص واغنى
واضَحَّك الزعلان
والقلب موجوع
وف الهموم غرقان
............
أنا البلياتشو..
أبو وش بيضَحَّكْ
والناس بتحسدنى
وتقوللى يابختكْ
عايش حياتك
والحزن مايهزكْ
من غير هموم
ياعم مين قدكْ .
..........
قلت ارسم لنفسى
صورة تفرحنى
بصيت على المراية
أشوف وشى
لقيت دموعى بتجرى
فوق خدى
فرسمت صورة لنفسى
وانا بابكى
------------------------------
بقلم : م/ محمود الحريرى
ليست هناك تعليقات:
إرسال تعليق