أنا مش شاعر
خواطر
++++++
أنا مش شاعر لكني
حساس وباعرف أوصف مشاعر
ولا أحمد شوقي ولا نزار قباني
أنا شخص مرهف الاحساس وكل
شيء فيا إنساني
++++++++++++++++++++
فتش جوايا ح تلاقي لألئ مدفونة
ألماظ دهب ياقوت مرجان
باشرح مشاعري واخرج اللي جوايا
بكل إتقان
++++++++++++++++++++++
أنا أصل قدوتي نجم وعم صلاح جاهين
لو حاجه مش عجباني اقول الحق
وربك هو المعين شايل هم الدنيا وحاسس
بالغلابة والمساكين واللي يقول الحق
في الزمن ده يقلبوا عليه ويمسكوا له
السكاكين
++++++++++++++++++++++++
شوفوا العجب يا بشر الصادق يخسفوا
بيه الأرض والكداب يرفعوا له القبعه
ويعملوه سلطان السلاطين....أنا صريح
من يومي ومش فارقه الله جاب الله خد الله
عليه العوض أنا داخل جحر التعابين
++++++++++++++++++++++
أحاسيسي مش للبيع لو حد مسها
ح اجرحه بشكل فظيع في الحقيقة أنا
طيب جداً حتي اسألوا عني الجميع
وعجبي
سحر أحمد محمد
ليست هناك تعليقات:
إرسال تعليق