فى دقة قلبي
بقلمي / عبدالحميد السماحي
صارت الخطوه تدق في قلبي
ابني حلمي واقول يانهار
وفى عينيها أبص وأسلم
يسلم قلبك يا ابو الأفكار
قلبي عشقها يقول ياحلاوه
أمته حبيبي تنور الدار
بصراحه ملقتشي وصفك
أدب أخلاق طفيت النار
أنت الجنه فى حضن حياتي
شايفك بكره أمل يختار
ركنه فى صبحي نسمه تعدي
ياحلوا هدي مليان أسرار
صارت الخطوه تدق بقلبي
أنصت وأغني عالأوتار
أنت زعيم ونسر مرادي
مالي الوادي أفراح وأنوار
فى وسط اللمه بنادي عليك
حبيبي أنت مافيش أعذار
بقوم على حسك حتى في نومي
بنسى همومي والخير أمطار
زي الساقيه عايشه حياتي
دايما أعطي مافيش مرار
أنت حلم عايش فى مرادي
اوعى حبيبي غيري تختار
صارت الخطوه تدق بقلبي
ابني حلمي واقول يانهار
بقلمي
عبدالحميد السماحي
مصر / محافظة كفر الشيخ
ليست هناك تعليقات:
إرسال تعليق