امانة يابحر
امانه يا بحر امانة
خليك حنين معانا
احنا العاشقين غلابة
والعاشقين ما عليهم ملامة
يابحرانت مش رمل ومية
ده انت كلك حنية
وكاتم اسرار بعدد الرمل والمية
ما احنا عارفينك للسر حويط
ولايوم تخلف مواعيد
يجيك الوف والوف
من كل جنس ولون
واحنا ولادك فيك متربين
وعليك متعودين
نجيك وقت المغربية
بحكاوي ف قلوبنا مستنية
وتسمع حكاوينا بحنية
نحكي ع ال حبناهم
و في القلب عايشين
وما نقدر لهم نبوح
ونقول اسرار وحكاوي
وانت بها ما تبوح
ما انت حافظ اسرار
ويقولوا عليك غدار
الغدر من طبع البشر
وال بقسوتهم انتشر
يابحر ياصافي المية
فيك نتمني امنية
ما يسمعها غير رب الكون
نقولها وباعلي صوت
تحفظ لنا الحبيب
من كل شر واسية
وتديمه في حياتنا
لانه من الاله اجمل هدية
هوي الامام
ليست هناك تعليقات:
إرسال تعليق