( طالع النخلة ) م /عبالحميد سالم
كان ياما كان
كان فيه زمان
الدار كانت من طين
وقدامها كام نخلة
أطلعهم بمطلاعى
ورطب السباط يحلى
وعيال كتير تنده
يا اللى على النخلة
م تهز لنا هزة
بس أبعد عن الوحلة
مهى العيشة كات سهلة
ومكنتش مستهلة
محلى المصطبة والزير
والمية م الترعة
تسقع ولا الكولدير
كان جيل يحب الخير
النهاردة لو فينا الرجا
مكنش رمانا الطير
لا سمعنا عن فيروس
على كل البشر بيدوس
لا كورونا تستهيفنا
وتعمل علينا حفلة
محلاها ذكرياتى
وانا طالع النخلة
ليست هناك تعليقات:
إرسال تعليق