ورقه وقلم
وحبة حروف
وبوقين كلام
انا قلت شاعر..
قالو شاعر
طاب يحنن....لأ سلام
انا قلت
باحكي في الأسي
وف القساوه
.والحب والخير والسلام.
من غير فلوس
..ولا منظره
ولا أفرش بحرفي
ف مندره
يعني بالعربي كده
الحرف بلُّوشي
سعر وملوشي
بس قيمته بالدرر
والماس
م الشعر والنعمه
إبن ناس
أصل وعيله
وله اساس
والشعرا بيقولوا
بحماس
م القلب بيقولوا
ومع طول الصبر
بينولوا
وطلباتهم مش كتير
احسنت...الله..
.جميل ...
اوحتي اعجبني
ولايك وشير
يعني كلمه حلوه والسلام
شوفتوا
الكلام تمنه الكلام
........
سيف عثمان
ليست هناك تعليقات:
إرسال تعليق