...*( لو كان قلبك )*...
لو كان قلبك داق العشق
وعاش ف الهجر
وطول الليل
والا سمعت نغمه حزينه
وناي مجروح
وبيشكي الويل
كنت ساعتها بس ح تعرف
كتر قساوتك عملت إيه
....................
نفسي تجرب نار البعد
وعين سهرانه
ف بكي وأنين
حيلها اتهد وزاد ع الحد
فى آه وآهين
قلبك ساكن جوه صخور
وقال بابه دايما ليه
......................
لو كان قلبك حب ومال
وراح للبدر يشكيله
ويحكيله علي د الحال
ومين ينور قناديله
يومها تحس وتعرف انك
ظلمت قلبي
وجيت عليه
......................
طول مهو قلبك دايما قاسي
ودايما ناسي كل حبايبك
عمر عينيك ما ح تعرف نوم
وتشبع لوم من كتر عمايلك
مهما تشكي مش ح اعاتبك
اللوم أصله خسارة فيك
.......................
بقلمي/اسماعيل عبدالهادي ابوالعلا
ليست هناك تعليقات:
إرسال تعليق