" سمك 🐳 - لبن 🍼- تمر هندى 🍺 "
( إدعيلى )
▪︎أدعيلك!!! بصحة وعافية!!!
▪︎وأنا معدوم النية الصافية
▪︎يَكْشَّ يشيلك......!!!
▪︎أدعيلك!!! بمال وبنون!!!
▪︎وأنا م الفقر كمان مطحون
▪︎شوطة تجيلك......!!!
▪︎أدعيلك!!! ما تنْضَامّ!!!
▪︎وأنا هِدْمِتى واللقمة حرام
▪︎عاوز أدعيلك؟ تدفع كام؟
▪︎ماأنا مش هصحى الليل أدعيلك
▪︎وإنت تنااااااام!!!!
▪︎لما تحَوْش قوللى وأجيلك
▪︎بس أنا ليَّه سؤال...إسمحلى
▪︎ليه بتندهلى؟!!!
▪︎وأنا مشغول بعيالى وأهلى
▪︎وإن كان هَمَّكَ...عندك أُمَّك
▪︎آه من دَمِّكَ...بتشيل هَمَّكَ
▪︎ليل ونهار بتنادي المولى
▪︎يطعم فَمَكَّ
▪︎ولا حد يشوفك من خَلْقُهُ
▪︎إلا وحَبَّكَ
▪︎والظالم لو نوى على ظلمك
▪︎يرجع حَقَّكَ
▪︎مش دى أُمَّك؟!!!
▪︎داهية تكون زعلان وياها
▪︎ولا خسرت يا روحى رضاها
▪︎عاوز أدعيلك وإنت خسيس!!!
▪︎- أول مرة أشوف إبليس- !!!
▪︎ده أنا جنبك حَسَّاسَ وحسيس
▪︎روح يا ضنايا بوس رجليها
▪︎حِنْ عليها...تلقى عينيها
▪︎ويا إيديها، مرفوعه لله العالى
▪︎ما أنت الغالى
▪︎ولا يغلى على عيونك دعوة
▪︎ده اللى ما يلحق دعوة قلب الأم
▪︎حاله ... يُغْم!!!!
عجبى!!!
( خالد فاروق )
ليست هناك تعليقات:
إرسال تعليق