... ... ((كسبنا ماخسرناش))...
مايهمناش يا قلبى مايهمناش .. ايه يعنى ياقلبى راح ولاجاش ..
ماهو جه. زى ماجاش ..
. ماهو ياما راح وغاب .. وف بعده ماتعبناش..
. ايه يعنى راح ما سألش .. برضو احنا ماسألناش ..
جه او راح ياقلبى حاجه ما تهمناش..
..*..
ريح نفسه وريحنا .. ولما ييجى يصالحنا ..
هاييجى مايلاقيناش
احنا ياقلبى ارتاحنا .والليله عيدنا وفرحنا .. وياماياقلبى سامحنا..
.فى الأخر باعنا بلاش ..
ايه يعنى راح مسألش .. ماحنا ماسألناش..
جه او. راح يا قلبى .. حاجه ماتهمناش..
..*..
افرح ويايا ياقلبى ..واوعى للفرح تخبى ..ايه يعنى فاتنا وباع ..
مااحنا ماشتاريناش...
وكفايه انا وانت ياقلبى .. كسبنا ماخسرناش
.. ..؟*؟..
... تحياتى/على ابو المجد
21/6/2021....
ليست هناك تعليقات:
إرسال تعليق